1. |
Surkh
04:12
|
|||
Mein ne dil ko ghar banaya tha
Phir wo aaya tha
Na raha
Khud se bhi meine chhupaya tha
Wo jo saaya tha
Mein na tha
Kaise samjhen iss khala ko
Kia jawaab den khuda ko
Roshni ne kal dikhaya tha
Par wo maaya tha
Na raha
Apna geet mein ne sunaya tha
Phoolon se rang churaya tha
Surkh sa
Kaise badal aasman mein
Ayena ban ke dikhay hain
|
||||
2. |
Kamiyab
02:49
|
|||
Bana ke humko mitti se
Khud rehtay ho asmaan pe
Kis kaabil hai insaan
Tumharay iss jahaan meh
Mujhko dedo ek jawab
Ye gunah hai ya sawab
Kia hum pakray jaenge?
Leke aaye kuch khuwab
Ho na paaye kamiyab
Apna dard hum gaayenge
Detay ho humko dilasay
Bachna chahtay ho agar tum aag se
Dohrana hai ek jumla
Phir kar le jo tu chahay
Dekh ke duniya ka haal
Tujhse puchun sawaal
Kia kuch badal payenge?
Leke aaye kuch khuwab
Ho na paaye kamiyab
Apna dard hum gaayenge
Yun tou teri qudrat ke dukhon se hum bezaar
Phir bhi jeetay hain umeed pe
Shayar hain aakhir kaar
|
||||
3. |
Aatish
04:02
|
|||
Aatish ke zarray aasman tak jaatay nahi
Aansu ke qatray dariya meh samatay nahi
Gaa lun jitnay bhi naghmay
Hon aas paas kitnay bhi apnay
Kunwan hai jahaan pehle dil tha
Gehri khaayi meh hai jaa milta
Samjha jisko sahil tha
Wo saraab sa kyun nikla
Goonjti awaazon ko koi sunta nahi
Toot jaaye agar sur tou jurrta nahi
Kaalay baadal jab bhi barsein
Chhup jaatay hain hum dar se
Kunwan hai jahaan pehle dil tha
Gehri khaayi meh hai jaa milta
Samjha jisko manzil tha
Wo saraab sa kyun nikla
Samjha jisko manzil tha
Wo saraab sa kyun nikla
|
||||
4. |
Toofan
03:03
|
|||
Raat ki chadar
Shaam ke badal
Subah ke andheron mein
Dilon pe hain taalay
Aey nazmein likhnay waalay
Kia dhoondtay ho lafzon mein
Chai ki piyali mein hai toofan
Girnay hi waalay hai aasman
Tou jaago
Jaago
Aansu girtay girtay
Daryaon se miltay
Kab rona chorro gay?
Jugnu aur taaray
Lagtay hain humaray
Aur chahiye kia duniya se
Chai ki piyali mein hai toofan
Girnay hi waalay hai aasman
Tou jaago
Jaago
Chai ki piyali mein hai toofan
Girnay hi waalay hai aasman
|
Cape Monze Records Karachi, Pakistan
Karachi based indie & electronic label
Streaming and Download help
If you like Taraqiati Kaam, you may also like:
Bandcamp Daily your guide to the world of Bandcamp